Ақпараттық-аналитикалық анықтама.

 

Қостанай облысы әкімдігі білім басқармасының «Арқалық қаласы әкімдігі білім бөлімінің Кейкі батыр атындағы №4 жалпы орта білім беретін мектебі» комуналдық мемлекеттік мекемесі оқушыларды білім берумен және тәрбиелеуге, сонымен бірге олардың физиологиялық, психологиялық, зияткерлік мүмкіндіктерін, жеке қабілеттерін ескере отырып білім алу қажеттіліктерін дамытуға бейімделген. Бұл, оқушы бойына адамгершілік, тұлғалық және ізгілік құндылықтарды сіңіру, жалпы білім беруде жайлы орта қалыптастыру жолында бағдарлы педагогикалық жүйе арқылы жүзеге асырылады. Мектепті басқару жеке және өзін-өзі басқару принципі тұрғысында құрылған. Жалпы мектеп басшылығы басқа жалпы білім беру ұйымдары сияқты білім беру үдерісіне қатысушылардан құрылған әкімшілік кеңес арқылы атқарылады. Педагогикалық үдерісті тікелей мектеп директоры мен оның оқу ісі, әдістемелік, тәрбие және ғылыми қызметтер жөніндегі орынбасарлары басқарады.

 

Мектеп туралы жалпы мәлімет.

 

Қостанай облысы әкімдігі білім басқармасының «Арқалық қаласы әкімдігі білім бөлімінің Кейкі батыр атындағы №4 жалпы орта білім беретін мектебі» комуналдық мемлекеттік мекемесі 1971 жылы негізі қаланған, сынып тығыздығы 25-30 балаға шақталып, 900 оқушыға есептелінген.

 

Мектептің мекен жайы: Арқалық қаласы, Ш.Жәнібек көшесі, 81 үй, байланыс телефоны 72622

 

Мектепті аттестаттау: қараша, 2015 ж. өтті

 

Білім беру қызметімен айналысуға құқық беретін лицензия: тіркеу номері KZ05LAA00019802  22.01.2021 жылы берілген.

 

Заңды тұлғаны мемлекеттік қайта тіркеу: 12.01.2021 ж.

 

Медициналық қызметпен айналысуға мемлекеттік лицензия: ЛП сериялы, №0013460 29.11.2011ж берілген.

 

Мектеп орталық жылу жүйесімен, жарықпен, салқын сумен, кәріс жүйесімен, асханамен, спортзалмен, турникетпен, жабдықталған кабинеттермен қамтылған. Кітапхана қорында 19071 дана оқулықтар, 1917 дана әдістемелік әдебиеттер бар. Мектепте 33 оқу кабинеттері компьтермен жабдықталып, ИНТЕРНЕТКЕ қосылған. 30 оқушы орыны бар екі компьютерлік сынып бөлмесі жұмыс істейді.

 

Қостанай облысы әкімдігі білім басқармасының «Арқалық қаласы әкімдігі білім бөлімінің Кейкі батыр атындағы №4 жалпы орта білім беретін мектебі» комуналдық мемлекеттік мекемесі жергілікті жердегі білім беру жүйесінде және әлеуметтік-мәдени инфрақұрылымда маңызды роль атқарады:

 

• Мектеп орналасқан шағын ауданда «Қайрат» спорт кешені жұмыс істейді, онда 5-11 сынып оқушылары спорт түрлерімен айналысады.
• «Жас құқық қорғаушы» клубы арқылы құқықтық тәрбие жүзеге асырылады.
• Әскери-спорттық «Батыр» клубы патриоттық тәрбиені дамытуға септігін тигізеді.
• Мектеп жалпы білім беру бағдарламаларын немесе олардың жеке бөлімдерін өзбетінше игеруге септеседі.
• Мектепте үйірмелер мен спорттық секциялар жұмыс жасайды, оған 570 бала тартылған. Онда олар өз мүмкіндіктерін көрсетіп қалалық, облыстық деңгейде өткен конкурстар мен көрмелерде жүлделі орындарға ие болып, мадақтамалар, дипломдар, сыйлықтармен марапатталды.

 

Мектептегі әдістемелік жұмысты табысты ұйымдастыру үшін құрамына пәндік әдістемелік бірлестік жетекшілері кіретін әдістемелік кеңес құрылып жұмыс атқарады. 

 

Оқушы саны.

 

2017-2018 оқу жылы	1135
2018-2019 оқу жылы	1156
2019-2020 оқу жылы	1171

 

Мұғалімдердің саны және сапалық құрамы.

 

Мектепте 100 мұғалім жұмыс атқарады. Олардың ішінде:

Жоғары санатты мұғалімдер: 9

Педагог-зерттеуші: 17

Бірінші санатты мұғалімдер: 8

Педагог-эксперт: 10

Екінші санатты мұғалімдер: 10

Педагог-модератор: 25

Санаты жоқ мұғалімдер: 21

Мектеп педагог кадрлармен толық қамтамасыз етілген.

  

Мектептегі оқу – тәрбие үдерісін ұйымдастыруға мінездеме.

 

Мектепте оқу - тәрбие үдерісі 49 сынып комплектісімен аптасына 5 күндік  оқу режимінде ұйымдастырылған. Оқу – тәрбие үдерісін қалыпты ұйымдастыру үшін төмендегідей жағдайлар жасалған:

1. Кабинеттік оқыту жүйесі.
2. Жоғарыда атап өткендей білікті педагог кадрлар жеткілікті.
3. Мектепте оқу үдерісі мемлекеттік типтік оқу бағдарламасымен сәйкестендіріліп жасалған оқу жоспарына сай және сабақ кестесін негізге ала отырып құрылады.
4. Мектеп 5 күндік жұмыс апталығымен жұмыс жасайды. Академиялық сағаттың ұзақтығы бірінші тоқсанда 1 сыныптарда 30 минут, II-IV тоқсандарда 40 минуттан, 2-11 сыныптарда 40 минут.
5. Мектепте оқу үдерісі үш сатылы деңгейлі білім бағдарламасына сәйкес жүзеге асырылады:

Бастауыш білім (игерудің нормативтік уақыты – 4 жыл)

Негізгі орта білім (игерудің нормативтік уақыты – 5 жыл)

Жалпы орта білім (игерудің нормативтік уақыты – 2 жыл)

6. Мектептегі жалпы білім берудің мазмұны мемлекеттік білім стандарттарын негізге ала отырып жасақталған және бекітілген бағдарламалар арқылы анықталады.
7. Мектепте оқушыларды жыл сайын оқу жылының аяғында педагогикалық кеңестің шешімімен 5 сыныптан бастап жекелеген пәндерден емтихан түрінде аралық және қорытында аттестаттау жүзеге асырылады.
8. Оқу – тәрбие үдерісін ұйымдастыру және өткізу психологиялық-педагогикалық мониторинг арқылы бақыланады.

 

Баланың денсаулығы және жетілуі.

 

Мектепте күн сайын медициналық қызмет жұмыс жасайды. Барлық жастағы оқушылар тиісті профилактикалық тексерістен өтеді және барлық қажетті профилактикалық екпелерін алады.

 

Оқушылардың оқу жетістіктері.

 

Пәндік олимпиада жүлдегерлерінің саны

 

	2017-2018 оқу жылы	2018-2019 оқу жылы	2019-2020 оқу жылы
Мектепішілік	195	255	202
Қалалық	15	12	7
Облыстық	-	-	-

 

Үздік аттестат, «Алтын белгі» белгісі иегерлері

 

	2017-2018 оқу жылы	2018-2019 оқу жылы	2019-2020 оқу жылы
Үздік аттестат НОБ	4	5	6
Үздік аттестат ЖОБ	-	3	-
«Алтын белгі» белгісі	2	1	-

 

Мектептің білім беру қызметінің жетістіктері

 

Сынып	2017-2018 оқу жылы		2018-2019 оқу жылы		2019-2020 оқу жылы
	Білім сапасы %	Үлгерім %	Білім сапасы %	Үлгерім %	Білім сапасы %	Үлгерім %
1 – 11	50	100	52	100	52	100

 

 

Мектеп қызметінің сараптамасынан, шешімін тапсақ мектепті дамытудың жаңа деңгейіне көтеретін кешенді мәселелерді көрсетуге болады:

• Мектептегі білім беру қоғамның әлеуметтік-экономикалық дамуын озық түрде қамтамасыз етуі керек;
• Мектеп мемлекет пен әлеуметтік қоғамның жаңа талаптарын қанағаттандыруға бейім болуы керек;

 

Білім алушыларды оқуға тарту және білім сапасын көтерудегі проблемалар мектептің материалдық-техникалық базасын (әр сынып бөлмесіне оқытудың ақпараттық-техникалық құралдарын алу) нығайтуға, сонымен бірге, білім беру ортасында тұлғаның жан-жақты дамуына жайлы жағдай жасауға, өз баласының оқуына және оның дамуына ата-ананың  қалыпты қарым-қатынасының болуына тікелей байланысты.

 

Дарынды балалармен атқарылатын жұмыстарда да проблемалар баршылық. Дарындылық – белгілі бір әрекет саласында ерекше жетістікке жеткізетін адам қабілеті дамуының жоғары деңгейі. Дарынды балалардың басшылық әрекетінің басымдылығы басқа балаларға қарағанда интеллектуалдық біліктілігі және ойлау, қабылдау жылдамдығының жоғары болуына байланысты. Осы құндылықтарды дамыту мектептің даму концепциясында ашық көрінуі керек.

 

Бүгінгі күннің талаптарын қанағаттандыратын оқу-тәрбие үдерісінде, өзінің материалдық-техникалық базасын нығайту және кеңейту, мектептің алдында тұрған үлкен міндеттердің бірі. Мектептегі білім берудің даму бағдарламасы, білім берудің қол жетімділігін жетілдіруге оның сапасының, тиімділігінің артуына, өзіні-өзі жаңғыртудың шарттары мен механизмдерін қалыптастыруды қарастырады. Осыған орай  қала мектептерінің базасында вариативті білім беру кеңістігін қалыптастыру маңызды мәселе болып табылады.

---