М.Дулатұлының 140 жылдығына арналған тоғызқұмалақ турнирінен жүлделі орын

Ұлт ұстазы, Алаш арысы Міржақып Дулатұлының 140 жылдығына орай ұйымдастырылған тоғызқұмалақ турнирінде мектебіміздің 1–4 сынып оқушылары жоғары нәтиже көрсетіп, ІІІ орын иеленді.

Бұл жарыс жас ұрпақтың ұлттық ойынға деген қызығушылығын арттырып, зияткерлік қабілеттерін дамытуға бағытталған маңызды шара болды. Оқушыларымыздың табандылығы мен ұйымшылдығының арқасында жүлделі орынға қол жеткізуі — үлкен жетістік.

Жарысқа дайындаған жаттықтырушы — Әуезбеков Ералхан, шәкірттерінің жеңісі арқылы өз еңбегінің жемісін көрсетті.

«Жеңіс» спартакиадасында мектебіміз ІІІ орынға ие болды!

2025 жылдың қазан айында өткен дәстүрлі «Жеңіс» спартакиадасы аясында қала және ауыл мектептері арасында спорттық жарыстар ұйымдастырылды. Бұл ауқымды іс - шара оқушылардың дене шынықтыруға деген қызығушылығын арттырып, салауатты өмір салтын насихаттауға бағытталған.

Спартакиада бағдарламасына түрлі спорт түрлері - жеңіл атлетика, әртүрлі қашықтықтағы жарыс және эстафеталық жарыстар енгізілді. Қатысушылар өздерінің шеберліктерін, төзімділіктерін және командалық рухтарын көрсете білді.
Бәсекеге толы жарыстардың нәтижесінде мектебіміз жоғары нәтиже көрсетіп, жалпыкомандалық есеп бойынша ІІІ орынға ие болды. Бұл - оқушыларымыздың табандылығы мен жаттықтырушылардың қажырлы еңбегінің жемісі.
Жеңімпаздарымызды шын жүректен құттықтаймыз! Алдағы уақытта да биік белестерді бағындырып, мектебіміздің абыройын асқақтата беріңіздер!

Қостанай облысы әкімдігі білім басқармасының «Арқалық қаласы білім бөлімінің «Жас Ұлан» балалар мен жасөспірімдер орталығы КММ «Робототехника» клубы ұйымдастырған қалалық «RoboTartys» жарысына мектебіміздің «Роботехника» клубының мүшелері қатысты.

Жарыста Жетіошақ Нұрасыл ІІ орын, Серік Айдын ІІІ орын иеленді.
Болашақтың мамандарына сәттілік тілеп, жеңістерімен құттықтаймыз.
Клуб жетекшісі Жүніс Бек-Әбіл Ерболұлы.

Облыстан жүлдемен

Қостанай дарыны орталығының ұйымдастыруымен өткізілген республикалық олимпиаданың облыстық кезеңі өткізілді. 
Ел өркениеті қашанда жастардың білім деңгейімен өлшенеді. Ендеше, ертеңгі күннің еншісі - бүгінгі жас ұрпақтың білімі мен тәрбиесіне тікелей байланысты. Тұғыры биік еліміздің ертеңі бүгінгісінен де жарқын болуы - рухы асқақ, өресі биік, білімді де талантты ұрпақ қолында.
Ғылым мен білімді байлығым деп есептеп, білімнің ең биік шыңдарын бағындыруға жасаған алғашқы қадамдарының бірі - жалпы білім беретін пәндері өткізілген олимпиадаға 4 оқушымыз қатысып, жүлделі орындарға ие болды.
Атап айтсақ: Байдильдин Амир (ағылшын тілі) – 2 орын, жетекшісі Әбдібай Гүлдариға, Закиров Радмир (қазақ тілі орыс сыныптарынада) -2 орын, жетекшісі Шалпенеева Жанагүл, Синькина Яна (қазақ тлі орыс сыныптарында) -3 орын, жетекшісі Муханова Асима.

5-9 сынып оқушылары арасында республикалық «Тарих ата» қашықтық олимпиадасының І дәрежелі дипломымен 5-сынып оқушысы Тимурқызы Айару марапатталып, қорытынды турының жеңімпазы атанды.

Пән мұғалімі Космаганбетова Г.Б.

5-9 сынып оқушылары арасында республикалық «Тарих ата» қашықтық олимпиадасының І дәрежелі дипломымен Қожагелді Гүлдана марапатталып, қорытынды турының жеңімпазы атанды.

Пән мұғалімі Бекентаев С.Ж

Зияткерлік байқаудан жүлделі орын

Қала және ауыл мектептерінің арасында Қасым ханның 580 жылдығына орай өткен "Ұлы дала жұлдызы" зияткерлік байқауында мектебіміздің 6 "В"сыныбы оқушылары жүлделі ІІІ орын иеленді. Жетекшісі: Бирмаканов К. С. құттықтаймыз!

Мамандықтар әлемін ашамыз

"Мамандықтар әлемін ашамыз" республикалық форумның қалалық кезеңінде "Мен мамандықты таңдаймын "номинациясы бойынша 9 "Г" сынып оқушысы Төкеш Ернұр 3 - орын. "Менің кәсібім - менің бизнесім" номинациясы бойынша 9 "Б" сынып оқушысы Әжмұқан Жігер 3 - орын. "Жас мобилограф" номинациясы бойынша 11 "Б" сынып оқушысы Серік Мәдина 2 - орын иеленді. Құттықтаймыз!

"Мультимедиялық жобалар фестивалі"

"Арқалық қаласының білім бөлімінің" жоспарына сәйкес "Мультимедиялық жобалар фестивалінің" қалалық кезеңі өтті.Сайысқа мектеп оқушылары өздерінің жұмыстарымен қатанасып, төмендегідей нәтижелер көрсетті."Визуалды бағдарламалау" номинациясы бойынша Амангелді Жәнібек 3 орын. Жетекшісі: Альмагамбетов Руслан Каирбекович."3D модельдеу" номинациясы бойынша Қайыржан Ерасыл 2 орын. Жетекшісі: Карашинов Каскырбай Серикбаевич. "Web бағдарламалау" номинациясы бойынша Сулман Шалқар 1 орын алды. Жетекшісі: Жүніс Бек - Әбіл.

Жүзден жүйрік - мыңнан тұлпар

30 қаңтар күні "Жас-Ұлан" БЖО ұйымдастыруымен "Жүзден жүйрік - мыңнан тұлпар" жайдарман ойындарының кубогы өтті. 6 команда бақ сынасқан жайдарман ойындарында мектебіміздің "Көңілді тапқырлар" жайдарманшылары жүлделі ІІ орынды жеңіп алды. Көрермендерге жарқын көңіл-күйі сыйлаудан сынға түскен ойыншыларымызды және жеңіске жетелеген жетекшісін шын жүректен құттықтаймыз.
Команда жетекшісі Әбдібай Г.М.

Күн панельдері арқылы қаламыздың экологиясын жақсарту

«Дойбы» ойыны

«Арқалық қаласының білім бөлімінің қосымша білім беру орталығы» КММ ұйымдастырумен «Жеңіс» спартакиадасы шеңберінде өткен қалалық 5-8 сынып оқушылары арасында жекелей, командалық «Дойбы» ойыны жарысына «Арқалық қаласы білім бөлімінің Кейкі батыр атындағы №4 жалпы білім беретін мектебі» КММ қатысып, жүлделі І орын иеленді.

Жаттықтырушысы Кажиков Мейирим Сайлауович

Шахмат жарысы

Лисаковск қаласында өткен облыстық шахмат лигасында мектебіміздің 5-6 сынып оқушылар командасы жүлделі екінші орынды иеленді. Жаттықтырушы Мүсілім А.А.

Үстел теннисінен жарыс

Мектеп лигасы - 2024 қалалық жарысында 5-6 сыныптар арасындағы үстел теннисінен жалпы командалық есепте Кейкі батыр атындағы №4 ЖББМ 1-орын алып, облыстық кезеңге жолдама алды.

Командалык ойында: 1 - орын ( Маликов Али, Кикбай Нурасыл, Ибрагим Аружан).
Жекелей ұлдар арасында: 1 - орын 1 - үстел Маликов Али, 2 - орын Кикбай Нурасыл, 2 - үстел 1 - орын Кикбай Нурали.

Қыздар арасында: 1-орын Ибрагим Аружан, 2 -орын Ибрагим Аяжан.

Тоғызқұмалақ ойыны

Сәкен Сейфуллиннің 130 жылдық мерейтойына орай ұйымдастырылған «Тоғызқұмалақтан» 5-6 сыныптың оқушылары арасындағы «Мектеп дигасы - 2024» жарысында мектебіміздің оқушылары ІІІ орын иеленді.

Команда жетекшісі Ауезбеков Ералхан Темирханович

«Жеңіс спартакиадасы»

«Жеңіс спартакиадасы» шеңберінде қала және ауыл мектептерінің оқушылары арасында өткен жеңіл атлетика жарысы бойынша командалық есепте мектеп оқушылары 3-орын иеленді.
Ұл балалар арасында: 1000 м Байболсын Әліш 1- орын
Қыз балалар арасында:
500 метр қашықтықта Еламан Айша 2- орын
60 метр қашықтықта Бейсенбай Кәусар 2- орын .
Дүзелбаева Ботагөз 2- орын
100 метр қашықтықта Тоқтарбек Құндыз 3- орын.
Құттықтаймыз!!!

XI ашық өңірлік ғылыми – практикалық конференциясы

2024 жылғы 5-сәуір күні Қостанай қаласында өткен Тобыл Еслямғалиұлы Дәулетбаев атындағы "Өскелең ұрпақтың зияткерлік әлеуеті – Қазақстанның табысты индустриялық-инновациялық дамуының кепілі" атты оқушылардың XI ашық өңірлік ғылыми – практикалық конференциясында, қолданбалы математика секциясы бойынша 8-11 сынып оқушылары арасында ғылыми жобалар байқауында мектебіміздің 9 "А" сыныбы оқушысы Серікбаева Аружан жүлделі 2-орын иеленді. Ғылыми жетекшісі: математика пәні мұғалімі Ұлысбай Шерхан.

Волейболдан облысқа жолдама

болашағы - халықтың денсаулығына байланысты, сондықтан оқушыларды жастайынан түрлі спорттық шараларға тартып, дене белсенділігін дамыту басты мақсатымыз. 07 сәуір күні волейболдан 7-8 сыныптың қыз балалары арасында қалалық жарыс өтті. Спорттық шараға қатысушы барлық ойыншыларымыз командамен ойнаудағы тәжірибелерінің молдығын байқатып және сайыс барысында шеберліктерін биік деңгейде екендігін көрсетті. Соның нәтижесінде жарыстың басты жүлдесін ұтып алып,, облыстық жарысқа жолдама еншіледі. Волейболшы қыздарымыз облыстық ойында қала намысы үшін додаға түсетін болады. Қала мектептері арасында үздік шығу- волейболшыларымыз бен жетекшісінің күнделікті дайындықты ұтымды пайдалануының нәтижесі. Оқушыларымызға алда ойында үлкен сәттілік тілейміз. Жаттықтырушысы Хасен Бейбіт Асқарұлы

4-сынып оқушыларына арналған ағылшын тілі пәні бойынша ұйымдастырылған қалалық олимпиадаға оқушыларымыз қатысып, жүлделі орындар иеленді. Пән мұғалімі Хужаева Айбану Бақытбергенқызы қалалық білім бөлімінің алғыс хатын алды.

Мультимедиалық жобалар сайысы қалалық кезең

Серікбай Баубек І орын

Мусипов Расул І орын

Кемелбай Ерсұлтан І орын

Суда жүзу ІІІ орын

Денсаулық - баға жетпес байлық. Ал, салауатты өмір салты - бұл ең әуелі денсаулықты нығайтуға бағытталған сауықтыру жолындағы белсенді іс-әрекет. Оқушыларды салауатты өмір салтын ұстануды және денсаулықтың қадірін білуді, жауапкершілікпен қарауды қалыптастыру мақсатында оқушылар арасында түрлі спорттық шаралар, жарыстар жоспарлы түрде ұйымдастырылады. Аталған мақсатта "Жас-Ұлан" балалар мен жасөспірімдер орталығының ұйымдастыруымен бастауыш сынып оқушылары арасындағы эстафеталық жүзуден жарыс өтті. Жарысқа қатысқан оқушыларымыз мектебіміздің "жеңіс қоржынын" жүлделі 3 орынмен толықтырды.

«Сандық технологиялар мүмкіндіктерін қолдану»

«Ы.Алтынсарин атындағы Арқалық педагогикалық институты» КЕАҚ Жаратылыстану және ақпараттандыру факультеті «Информатика», «Информатика,ақпараттық – коммуникациялық технологиялар және робототехника» білім беру бағдарламалары «Сандық технологиялар мүмкіндіктерін қолдану» тақырыбындағы республикалық ғылыми жоба сайысында мектебіміздің оқушылары өз жобаларын қорғады. Оқушылардың жұмыстары кейінгідей нәтиже көрсетті:1-орын 5 «Б» сынып оқушысы Жетошақ Нұрасыл, тақырыбы:«ARDUINO және RFID522 негізіндегі өткізу жүйесін әзірлеу: жобалау және іске асыру»;1-орын 6 «В» сынып оқушысы Махтин Санжар, тақырыбы: «Информационный проект. Финансовая безопасность в информационном обществе»;2-орын 10-сынып оқушысы Серикбай Баубек, тақырыбы: «Pygame ойыны»;2-орын 10-сынып оқушысы Серикбай Баубек, тақырыбы: «Tapqir serik»;3-орын 4-сынып оқушысы Байзакова Адиля, тақырыбы: «Cartoon animator 4» бағдарламасында анимация жасау;3-орын 8-сынып оқушысы Бектасұлы Бекали тақырыбы: «Виртуальный тур школы»;Алғыс хат 8-сынып оқушысы Андерсон Евгений, тақырыбы: «Термометр на базе Arduino».

7-8 сынып оқушылары арасында ағылшын тілі пәнінен "Learn English -Access the World" қалалық олимпиадасының І орын иегерлері Байдильдин Амир 7 "А" сынып оқушысы мен Қайрат Ажар 8 "Б" сынып оқушысы

Қостанай облысы әкімдігі білім басқармасының

«Арқалық қаласы білім бөлімінің Кейкі батыр атындағы

№4 жалпы білім беретін мектебі» КММ

2020 жылғы 25 қыркүйектегі «Қостанай облысы әкімдігінің білім басқармасы» мемлекеттік мекемесінің № 432 бұйрығы және Арқалық каласының әкімдігінің білім бөлімі» ММ  2020 жылғы  30 қыркүйектегі №215  бұйрығы негізінде  жалпы білім беретін пәндер  бойынша Республикалық олимпиаданың мектептік кезеңін өткізді.

Жалпы  білім  беретін пәндер  бойынша оқушылардың Республикалық олимпиадасының  мектептік  кезеңін өткізу жауапкершілігі  мектеп директорының ғылыми- әдістемелік жұмыстар  жөніндегі орынбасары  М.С.Бадаеваға  жүктелді.

Желтоқсан айының 3-ші жұлдызында оқушылардың шығармашылық қабілеттерін дамыту, теориялық білімі мен тәжірибелік шеберлігін тереңдету, жеке тұлғаның өзін-өзі дамытуына ықпал ету, дарынды балаларды анықтау үшін жағдай жасау, аймақтық олимпиадарға қатысатын оқушыларды iрiктеу және даярлау, мектептегі білім берудің беделiн көтеру мақсатында қазақ тілі, орыс тілі, ағылшын тілі, математика, физика, химия, биология, география, тарих, информатика және өзін-өзі тану пәндерінен мектепішілік олимпиада өткізілді.
 Олимпиада тапсырмаларын дайындап, оқушыларды ұйымдастыру төмендегі әдістемелік бірлестік жетекшілеріне жүктелді.
1. Смагулова К.Ф. - қоғамдық пәндер бірлестігі (қазақ тілі, орыс тілі, тарих) жетекшісі:
2. Кобекбаева Р.Р. - шет тілдер бірлестігі (ағылшын тілі, өзін-өзі тану) жетекшісі:
3. Кемпирова А.С. - жаратылыстану (химия, биология, география) бірлестігі жетекшісі:
4. Ұлысбай Ш.Е.- МИФ (математика, информатика, физика) пәндері бірлестігі жетекшісі:

Мектепішілік олимпиадаға  202 оқушы қатысты. Әрбір пән бойынша оқушылардың мектепішілік олимпиадаға қатысу белсенділігі төмендегідей нәтижеден көрініс тапты:

Мектепішілік олимпиада жүлдегерлері

Республикалық олимпиаданың ІІ (қалалық) кезеңі 

Қостанай облысы әкімдігі білім басқармасының «Арқалық қаласы білім бөлімінің Кейкі батыр атындағы №4 жалпы білім беретін мектебінің оқушылары  қалалық кезеңге қатысты. Пән олимпиадасы – оқушы білімін саралайтын сынақ. Қалалық пән олимпиадасы оқушылардың білім деңгейлерін анықтаумен шектелмей, олардың оқуға деген мотивациясын ояту, танымдық қабілеттерін арттыру мақсатында өткізілді.

Қалалық олимпиаданың негізгі мақсаты: 

-оқушының ой-өрісін кеңейту; 

-оқушының пәнге қызығушылығын дамыту; 

-мектепішілік, аудандық олимпиадаларда оқушының өзін

көрсетуге дайындау, оқушымен жеке жұмыс жүргізуді ұйымдастыру. 

Әр баланың жеке қабілетін анықтап, шығармашылық бағытта жан-жақты дамыту,  оны сол бағытта жетелеу-ұстаз парызы, бүгінгі күннің басты талабы. Осыған орай, мектепішілк кезеңнен үздік атанған 19 оқушы, Республикалық олимпиаданың ІІ (қалалық) кезеңіне өтіп, пән олимпиадасына қатысты. Олимпиада қорытындылары 15-ақпан күні мектепте жарияланып, жеңімпаздарға мадақтамалар табысталды.

Олимпиада қорытындысы төмендегідей болды:

Сонымен қатар: «Арқалық қаласының білім бөлімі» мемлекеттік мекемесінің 2021 жылғы балаларға арнлаған балалардың акдемиялық дарындылығын дамыту және психологиялық – педагогикалық қолдау жұмыстарын жандандыру жөніндегі кешенін іске асыру мақсатында, 2021 жылдың 24-ші жұлдызында «Ы. Алтынсарин атындағы гимназиясы» КММ базасында жаратылыстану -математикалық бағытындағы пәндер бойынша қалалық юниорлық олимпиадасын өткізді. Олимпиада қорытындысы төмендегідей болды.

Қостанай облысы әкімдігі білім басқармасының «Арқалық қаласы білім бөлімінің Кейкі батыр атындағы №4 жалпы білім беретін мектебі» комуналдық мемлекеттік мекемесінде мектеп оқушылары үшін республикалық пәндік олимпиадаға қатысу, өз білімін сынауға және оқуға мүмкіндік береді.

Осылайша, мектеп оқушыларға қолдау көрсетіп, көмектесіп, олардың оқуға деген ынтасын арттырып келеміз.

Мектеп директорының ҒӘЖЖ орынбасары Исниязов Мирам Рахимжанович